［小學雞明日次輪面試🤭］
呢段時間收到好多好多媽媽既分享🙏
感謝大家💗
上次分享後事隔一日
其實我已經對選校一事看法改變左😂
從哥哥的學習態度、學校評估、心態等重新思考一次⋯⋯覺得結果其實未必是壞的！！
不過既然哥哥想嘗試面試
我地最後都揀選了最初時所報的頭三志願中兩間叩門⋯⋯
琴日亦收到通知😊其中一間明日可以second in 啦
未知表現如何⋯當然亦未有任何特別訓練😅
佢話佢有少少緊張🤭
其實媽咪亦都一樣😂
因為媽咪都好耐好耐無面試過喇🤭🤭🤭
而且亦想像唔到叩門面試會係點
唯有大家一齊加油啦💪！
都係個句
最後無論結果如何
都唔緊要💪
一切既結果都會係上天最好既安排
（好多媽媽比左好多意見同叩門選擇分享比我🙏不過最終都無選擇，因為唔想叩太多間，怕佢太大壓力🤭同埋⋯⋯⋯首輪面試好多都要拍片、整履歷等等⋯⋯⋯而每一間既要求⋯⋯⋯都唔同！
當愈想追求時，某程度就會有無形的壓力，希望短短的拍攝過程中，小朋友可以表現到最好！但⋯⋯⋯小朋友又真係明白咩係面試？佢控制到自己既表現？
短短兩三分鐘，將所有要求濃縮一段
真的唔係易事🤭
如果小朋友扭計、表現未如理想⋯⋯⋯
媽媽的期待⋯逐漸變成焦急⋯繼而動怒
為免傷和氣傷感情
要說服自己
盡量從簡、盡力就好！
一路拍攝，一路隻眼開隻眼閉的情況完成😂
若果你問我Jordi表現如何？
嗯⋯⋯⋯我會答：
我覺得好好！超出我既預期💗
至少，我從來唔知佢記性原來可以禁好
唔知佢可以係短時間內學識讀一本從未睇過既英文故事書
亦預料唔到
佢對自己既表現都有要求，無馬虎了事
當然，佢對眼成日唔望鏡都有令爸爸萬般無奈
怎至嬲嬲豬🤭🤭🤭🤭
不過，我從呢件事中
學識欣賞佢更多既表現
亦發掘到佢其他既優點
再提提自己
「媽媽！有邊個人無缺點呢？
佢再有更多唔好既表現及行為都好
仍然有好多的優點，更多的好值得你去欣賞、發掘同讚美💗💗💗💗💗」
沒有比較 沒有傷害🤭
挑戰自己 比昨日的自己更優秀就好
加油）
#又一媽媽自己勉勵自己 

Search